QUEN SON AS AUTORAS E AUTORES MÁIS LIDOS NOS CLUBS DE LECTURA?

Como todos os cursos, a asesoría de bibliotecas escolares recompila as autoras e autores máis lidos nos clubs de lectura galegos.

Seguro que vos soan moito algúns deses que ocupan os primeiros postos, non si?

AÍ VOS VAI A DESPEDIDA DERRADEIRA

Este final de curso tiña que estar blindado para esa parte representativa do alumnado que se nos vai do centro e tamén do club de lectura.

Levades convosco a experiencia máis prolongada no club de lectura e deixades en nós a estrañeza pola vosa ausencia.

Grazas pola vosa fidelidade e por compartirdes connosco a emoción da lectura e da boa conversa.

Deica sempre! Aquí vos seguiremos esperando e convocando, mais xa desde a sección do Club das ex!!!!

AS PROFAS DO CLUB DE LECTURA TAMÉN DESPIDEN O CURSO

Como valorarán algunhas das profesoras participantes, xunto co alumnado, a experiencia lectora e conversadora deste curso?

Coincidirán as súas opinións coas do alumnado?

Contaremos con elas para o próximo curso?

A ver, a ver... imos escoitalas...

MÁIS DESPEDIDAS DESDE O CLUB DE 2º ESO

Como se nota a experiencia dun segundo ano de participación nas lecturas e nas actividades do club de lectura!!! 

Vaia nivelazo!!!

CHEGOU A HORA DA DESPEDIDA

Temos que ir pechando a aventura deste curso tamén no club de lectura. E nada mellor que tomaren a palabras as principais protagonistas, as lectoras e os lectores. Cadaquén coa súa valoración, a súa opinión e achega construtiva para que o vindeiro curso sexa aínda moito mellor.

Que ben fala este equipo de 1º da ESO e iso que empezaron en xaneiro a ler "en serio" como os maiores!!!

Escoitade, escoitade!!!

#DÍA DO LIBRO

FELIZ DÍA DO LIBRO

ATENCIÓN AO DIAL 103.4

Que andaría a facer así de preparado este equipo do noso club de lectura hoxe polo coruñés monte da Zapateira?

Atención ás próximas entradas deste blog que traerán sorpresas...

Que tal unha entrevista ao vivo con Begoña, a nosa profesora de francés e colaboradora do club de lectura?

Quen quere coñecer o autor uruguaio recentemente falecido, Eduardo Galeano?

A quen lle gusta a música heavy?

En breve, enlazaremos cun novo programa "A Fume de Carozo", gravado no estudo "José Couso" da Radio CUAC FM.

Quen quere saber máis?

LECTURAS A MEDRAREN

Vai avanzando o curso e as nosas lecturas compartidas ocupan cada vez máis e máis espazo no noso corredor á vista de todas as olladas curiosas...

ESTREA DO CLUB DE 1º ESO

Recibimos neste Planeta Coristranca con grande alegría a nova sección do club de 1º de ESO que a partir de agora xa realizará lecturas autonomamente e que comentaremos tal e como fan as seccións tertulianas maiores, isto é, unha tarde en horario extraescolar.

Cal foi a lectura común escollida? Xa o adiviñastes? Puxémolo doado, non si?

Se queredes descubrir canda nós quen é Usha, deberiades seguirnos por esta rede, xa que iremos dando pistas...

EXTRA! EXTRA!

Acabamos de coñecer o resultado dos primeiros premios literarios do ano 2014.

Trátase dos premios aos mellores libros, autores, editoriais, proxectos culturais, etc. do ano que convoca a plataforma de literatura galega na web

 FERVENZAS LITERARIAS

A gran sorpresa é que resultaron premiados dous libros que na actualidade temos entre mans:  

A viaxe de Gagarin, de Agustín Fernández Paz, na sección do club de 4º ESO, e Escarlatina, a cociñeira defunta, de Ledicia Costas, na de 1º ESO.

Dámoslle os parabéns a Agustín e a Ledicia ao tempo que nós voltamos a gozar das súas páxinas.

TERTULIANEANDO

Este xoves estreamos o ciclo de tertulianos deste ano novo.

A novela que nos convocou foi aplaudidísima: Unha estrela no vento, de Ledicia Costas. E moito nos deu para falar, tanto que había que pedir a palabra...

... para escoitar con moooooooita atención tantas emocións como esta lectura fixo acordar en nós...

... mais tamén cantas ocorrencias quedan en segredo connosco e que non imos desvelar...

Rematamos coa lectura dunha entrevista que o curso pasado lle fixeran á autora outros compañeiros do club de lectura e descubrimos todo o que non imaxinabamos que está detrás da escrita desta novela tan impactante.

Non deixedes de procurala por vós mesmas neste noso blog, xa que está accesíbel a todas vós!!!

ANO NOVO... ACTIVIDADE NOVA!

A mellor maneira de inaugurar tempo novo é remudando hábitos e abríndose a novas experiencias, non si?

E canto antes... mellor!!!

Calquera lugar é bo para ler, calquera postura tamén, incluso hai quen as ten favoritas. Ímolo descubrir! 

Velaquí a convocatoria do primeiro concurso deste 2015 organizado polo Planeta Coristranca.

Será un concurso fotográfico que ilustre esa imaxe auténtica, fresca, novidosa, orixinal ou sorprendente ao redor dos libros e da lectura que sabemos que gardades convosco e quixeramos compartir.

O envío das vosas imaxes comeza xa e o prazo límite será o 2 de febreiro para celebrar o Día da Candeloria, o día da festa do amor en que casan os paxariños e mais porque, como di o refrán...

“Cando a Candeloria chora, medio inverno vai fóra; que chore, que deixe de chorar, a metade do inverno está por pasar”.

FELIZ ANINOVO!

Os mellores desexos para todas as persoas compañeiras de viaxes lectoras.

Feliz 2015

A NOSA PRIMEIRA TARDE TERTULIANA

O xoves 4 de decembro a sección do club de lectura de 2º de ESO estreamos a nosa xeira tertuliana co acompañamento literario da novela de Francisco Castro, O corazón da Branca de Neve.

Ás veces escoitamos que a realidade supera a ficción e a verdade é que con esta lectura puidemos comprobalo cun caso ben coñecido polos medidos de comunicación e acontecido ben perto de nós.

A FUME DE CAROZO!

Xa chegou o momento de escoitar por primeira vez ou de volver a encontrarnos nas ondas internetplanetarias.

O noso foi o programa número 150 de "A fume de carozo", emitido o 25 de novembro de 2014, Día contra a Violencia de Xénero. Está promovido polo Equipo de Dinamización da Lingua Galega do Colexio Calasanz (PP. Escolapios) da Coruña e grávase no estudo "José Couso" de Radio CUAC FM.

De violencia de xénero e tamén de literatura, cunha entrevista a Ledicia Costas, o equipo de locución estivo composto polas alumnas de 4º e membros do Club de Lectura de centro, Iria Castiñeira, Vanesa Varela, Leticia Muíño e Nerea Fuentefría.

Grandes parabéns para todas elas!!!

ARRANCAMOS TEMPADA TERTULIANA

O vindeiro LUNS 24 de NOVEMBRO celebramos quedada tertuliana para pór en común as primeiras lecturas das seccións do club de 3º e 4º.

Todo a punto para viaxar entre liñas da man dos primeiros títulos narrativos da tempada 14-15..

OS TÍTULOS MÁIS LIDOS DO CURSO 2013-2014

O espazo dixital Ler en mancomún dos Clubs de Lectura acaba de nos ofrecer o balance lector do curso pasado.

Queredes saber cales foron os títulos máis lidos do curso pasado? Ollade por aquí...

Entre os destacados están algunhas das nosas lecturas máis coristranqueiras: Futuro imperfecto, de Xulia Alonso, Todos somos, de Marcos Calveiro, Engurras, de Paco Roca ou O corazón de Xúpiter de Ledicia Costas.

O EQUIPO CORISTRANCA 14-15

Velaquí está reunido todo o equipo lector do planeta Coristranca inaugurando a tempada 2014-2015.

Menuda gran familia!!!!

Benvida a profesorado e alumnado!!!

Arrancamos coas primeiras lecturas. En breve, toda a nosa actualidade literaria visibilizada nesta xaneliña da nosa casa virtual.

Tres, dous, un...

O CLUB DAS EX- RECOMENDA (VII)

Reiniciamos tamén a recolleita de suxestións lectoras que nos seguen a enviar desde o Club das Ex-

Nesta ocasión tócalle a Tania Mourelle Castro tomar a palabra de escritora ou, mellor dito, de Poeta (con maiúsculas) a quen podedes seguir no seu blog: 

http://aprendicesdesafo.blogspot.com.es/

Boas a todos e todas! :D 

Hoxe o tema vai de liñas e aventura e como tal as miñas recomendacións de lectura son as seguintes, O bosque das antas do escritor F. X. Fernández Naval, Rebeldes da escritora Susan E. Hinton, Cartas de inverno  de Agustín Fernández Paz, Poesía última de amor e enfermidade do poeta Lois  Pereiro, Makinaria de Carlos Negro, O enigma do segredo de María do Carme Kruckenberg, La Fundación de Antonio Buero Vallejo e Los renglones torcidos de dios de Torcuato Luca de Tena.

Estas son algunhas das miñas propostas, agardo que vos gusten; na miña opinión quen ten un libro ten un tesouro, ao igual que outras moitas expresións de arte suscitan emocións moi fortes, fannos sentir comprendidos ou involúcrannos dentro dunha historia que nos envolve; nunca deixedes de ler ou mesmo de escribir vós mesmos.

Unha aperta moi grande. 

Tania. 

Agradecemos a Tania as súas propostas e agasallámola con este poema do poemario citado de Lois Pereiro

DERRUBANDO MUROS CON PINTURA

Imos coñecer unha iniciativa mural ben gráfica que está a levarse a cabo ben pertiño de nós... 

Onde será? 

Quen nos pode ilustrar neste caso con palabras? Só pedimos unha palabra, un topónimo!!!!

Observando, observando... semella que dentro desta representación grafiteira agóchase toda unha historia, non si? 

Imos ver quen se atreve a nola contar!!!

Benvid@s ao mundo da escrita creativa!!!