LUNS DE MEDO

O Club de Lectura Coristranca agradece a visita de todo o alumnado que hoxe asistiu á primeira xornada de contos de medo compartidos.

Da lectura do relato "A visita" de Xohán Casal coa lembranza de Agustín Fernández Paz á escoita do texto gañador do concurso de relatos de medo na convocatoria do curso pasado na voz da súa autora, María Blanco de 2º B.

Que sorpresa levaremos mañá martes?

TERTULIANDO!!!

A sección máis buligueira do club de lectura, as lectoras e lectores máis grandes de 1º de ESO, reuníronse este mes de maio para celebraren conxuntamente a lectura d´O neno can de Fina Casalderrey e Francisco Castro.

Deixamos por aquí un enlace para que vos poidades achegar ao curioso proceso de escrita a catro mans deste libro de relatos de que tanto gustamos, malia a tristeza que deixou en nós a súa lectura. Porque, quen quere ao seu redor un mundo inxusto e desigual para os nenos e as nenas do mundo?

FELIZ DÍA DE REIS

Na véspera do Día de Reis, deséxovos un día grande de sorpresas que chegan de quen máis vos quere.

E por se alguén quere saber o que pensan e falan os Reis Magos, podedes pasearvos polos múltiples relatos breves do seu gran libro. 

Con certeza, temos alguén ao redor a quen lle gustaría que o agasallásamos con palabras máxicas reais... ou non?

Velaquí o Libros dos Reis Magos!