A NOSA PARTICULAR VIAXE CON SIMBAD

Primeira parada: tertulia literaria

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Segunda parada: actualización blogueira

Terceira parada: lembranza fotográfica coas que non teñen vergoña!

Final do traxecto: encontro co escritor Francisco Castro

ENCONTRO-TERTULIA CON FRANCISCO CASTRO

Mañá, 10 de abril, ás 10:30, o club de lectura de 1º e 2º ESO será o gran privilexiado no centro. Aproveitando a visita que o escritor Francisco Castro realizará ao alumnado de 3º, o noso club descubrirá tamén a auténtica persoa que se agocha detrás da escrita desa fermosa historia que tanto nos impactou: Chamádeme Simbad. 

Sen dúbida será unha magnífica volta ás aulas, despois destas minivacacións!!!

E POR PETICIÓN DO CLUB DE LECTURA

CONTINUAMOS A LER A OBRA DE FRANCISCO CASTRO!

Moito nos prestou o seu Chamádeme Simbad! Sóubonos a pouco, así que a proposta maioritarísima dos membros do club de 1º e 2º imos continuar a descubrir os mundos literarios que Francisco Castro pensa e escribe para nós, os seus lectores e lectoras.

Tócalle o turno agora á novela de amor O segredo de Marco Polo, que nos fará viaxar deica a Venecia do século XIII.

Xa vos contaremos, non perdades atención! Mais, polo de agora, confirmamos que Francisco Castro estará connosco no centro o vindeiro MARTES, 10 DE ABRIL! Xa nos tarda!

NOVA TERTULIA LITERARIA

Este club non para! Xa temos nova lectura devorada e o próximo mércores 29 de febreiro, para despedir este mes que converte o 2012 nun ano bisesto, reunirémonos nunha nova tertulia literaria.

Seguro que este Chamádeme Simbad acordou moitos pensamentos e sensacións!

Déixovos aquí o un vídeo que nos achega a Francisco Castro, o escritor que está detrás desta fermosa historia de amor familiar.

REPORTAXE TERTULIANA

Chegou unha nova tertulia na sección do club de lectura de 1º e 2º de ESO, aínda que con algunhas pequenas baixas "temporais". De novo acompañáronnos as historias de lobos. Houbo quen gozou máis e quen menos coa lectura de Pel de lobo. Mesmo aqueles que non deron rematado a lectura, quedaron con ganas de continuala, porque, como puidemos comprobar, o final tan emocionante e sorprendente agóchase nas últimas páxinas.

Ademais da parola, tivemos a oportunidade de ler un pequeno texto autobiográfico dun home ao que de nono, nas terras de Vimianza, un lobo pegou trinta e tres trabadas no pescozo. Non dabamos creto de que estas situacións tamén se puidesen dar máis aló dos libros e das historias que neles se contan. Grazas á profesora Rosa Rial por nos ceder esta hstora que ela conserva coma un tesouro!

E xa andamos metidos na próxima lectura!!! Desta volta enredaremos con piratas!!!

CHAMÁDEME SIMBAD

Este é o novo título que temos xa entre mans no noso club de lectura de 1º e 2º de ESO. 

Xa hai quen empezou a lelo. Es ti unha desas persoas? 

Caeches xa na aventura de Simbad?

Cóntovos un segredo? Francisco Castro, o creador desta fermosa novela, agasallaranos coa súa visita!!!

QUE VOS PARECE ESTA NOVA?

Chamádeme Simbad, lectura que vivimos e partillamos en 3º de ESO co seu autor, Francisco Castro, no propio centro hai uns meses, xa pode ser lida en catalán e castelán. Que vos parece esta nova? Mirade, mirade e opinade...
http://www.editorialgalaxia.com/weblog/?p=10919

A PANDA DAS LETRAS

O prometido é débeda, así que aquí vos deixamos a crónica visual do encontro que mantiveron os alumnos e alumnas de 3º ESO do noso centro, hoxe mesmo, con Francisco Castro, autor de Chamádeme Simbad.
Perdestes este encontro, mais non deberiades perdervos esta lectura ou outras moitas do escritor que de seguro que vos van encantar.