Estamos chegando á máxica noite do 31 de decembro, a Noitevella que alumeará a alba do Aninovo. Mentres nos imos preparando para a derradeira conta atrás de 2010, podemos acompañar a emocionante espera coa lectura d´O Apalpador tal e como nola conta Xoan G. nesta fermosa edición á que accedes cun simple clic: http://www.apalpador.com/apalpador.pdf
Blogue do Club de Lectura do CPI 'Alcalde Xosé Pichel' de Coristanco
quarta-feira, 29 de dezembro de 2010
terça-feira, 28 de dezembro de 2010
E QUE CHE VÉN SENDO ISO DO BOOK?
... pois pode ser un bo exemplo de modernidade que pode convivir plenamente coa tradición lectora que todas e todos coñecemos. Porque LER ESTÁ DE MODA. Quen non o descubriu aínda?
Mirade este vídeo e veredes... o que descubrides a un golpe de clic!
http://www.youtube.com/watch?v=WBgkCtWcKpQ
terça-feira, 21 de dezembro de 2010
FLIZ NDL E MELLOR ANNVO KN M8S LIBROS!!!!
Remata o primeiro trimestre e todas as persoas que formamos o club de lectura levamos deberes lectores connosco. Á volta do aninovo celebraremos as nosas primeiras xuntanzas-debate e deixaremos caer por aquí as conclusións ás que os libros nos van levando.
Mentres tanto, non queremos deixar de vos recomendar algunhas lecturas en galego para que sempre esteades á última en suxestivas novidades para cociñardes as vosas particulares "sopas de letras". E xa sabedes, estas peticións son moito do agrado do Apalpador, do Papá Noel e dos Reis Magos, dependendo de quen sexa o personaxe máxico que pase polas vosas parroquias e lugares.
Velaquí este fabuloso enlace ao catálogo "Agasallo" que acaba de saír do forno ( http://www.agasallo.eu/).
Non diredes que non sabedes que pedir nas cartas!!!!
Etiquetas:
agasallo,
aninovo,
suxestións lectoras
INCÓGNITA SOLUCIONADA NO CPI ALCALDE XOSÉ PICHEL
Hai unhas semanas sorprendémonos con algúns cartaces anunciando unha incógnita polos corredores e aulas do noso centro. Que significa CORISTRANCA?, preguntábasenos.
Por fin alguén atinou co significado da palabra "Coristranca"! Xa non seguimos a ser un segredo. Agora xa todo o mundo no centro sabe de nós... grazas a... Alba Martínez Muíño, alumna de 4º ESO A.
GRAZAS ALBA POR NOS DELATARES!!!!!!
Etiquetas:
Coristranca,
CPI Alcalde Xosé Pichel
sábado, 18 de dezembro de 2010
QUE SABEMOS DE CANDO PETAN NA PORTA POLA NOITE?
Entre lectura e lectura -que é difícil interromper, ou non?- e para amenizarmos as pausas, fican por aquí algunhas preguntiñas sobre o noso libro de lectura cargadiño de incógnitas, misterios e de medos... A ver se dades coas respostas!!!!
1. En que ano se publicou Cando petan na porta pola noite?
2. Con que premios foi recoñecido?
3. Quen ilustrou o libro?
4. Cantas edicións se levan feito?
5. A que linguas foi traducido?
quarta-feira, 15 de dezembro de 2010
QUE É O QUE PASA CANDO PETAN NA PORTA POLA NOITE?
Cando petan na porta pola noite é o libro que estamos a ler no club de lectura en 3º e 4º de ESO. Habitualmente empezamos os libros polo principio, va que si? Pois nós descubrimos que este libro conta no final unha historia única: a historia dos medos do autor que o escribiu: Xabier P. Docampo.
Velaquí vos deixamos os seus medos!
Cales son os teus?
A ESCOLA DE DOLORIÑAS
Hoxe, pensando na organización da que será a primeira xuntanza do noso club de lectura para este curso, lembrei esta cadro que tanto me gusta da magnífica pintora galega Xulia Minguillón (Lugo, 1906 - Madrid, 1965).
Titúlase A escola de Doloriñas e recibiu unha medalla na Exposición Nacional de Belas Artes de Madrid en 1941. A primeira que se lle concedeu a unha muller!
Na actualidade podemos velo en todo o seu esplendor e ao vivo no Museo Provincial de Lugo.
Observando o cadro hoxe, pensei: e seremos quen entre todos de construírmos un club de lectura escolar tan xeitoso e colaborativo?
Que vos parece?
Etiquetas:
A escola de Doloriñas,
primeiro ciclo,
segundo ciclo,
Xulia Minguillón
QUERES QUE CHE PRESENTEMOS A XOEL?
As nenas do Club de Lectura de 1º e 2º de ESO andamos enredadas coas historias que lle acontecen a Xoel, grazas á imaxinación da escritora Marica Campo. Ímosvos ir deixando por aquí algunhas anotacións do libro para que o vaiades coñecendo.
Seguro que xa vos estades a facer preguntas: pero como un neno chamado Xoel pode aprender a voar?
Mais hai que ter paciencia e agardar... Non deixedes de mirarnos por esta xaneliña- blog... Nin de deixarnos os vosos comentarios, preguntas, dúbidas...
Xa veredes como non resistides a tentación de lelo!!!!!
Etiquetas:
E Xoel aprendeu a voar,
primeiro ciclo
terça-feira, 7 de dezembro de 2010
A VOLTAS CON XOEL!
Os participantes no club de lectura Coristranca de 1º e 2º de ESO xa comezamos a lectura do libro de narrativa titulado E Xoel aprendeu a voar, da autora Marica Campo.
Xoel é un neno de trece anos que só sabe vivir dedicado á rede e á PSP, un neno pasivo que, sen embargo, nos sorprende como protagonista dunha historia de intriga até o final. Descubrirémolo na nosa xuntanza-conversa do club de lectura de finais de decembro. Estade atent@s se queredes ter máis información das nosas descubertas!
E andaredes a vos preguntar: quen é a autora que está detras desta novela? Pois velaquí unha axudiña que partillamos convosco: a súa ben interesante e completa autobiografía:
Subscrever:
Mensagens (Atom)