CUESTIONARIO PROUST: BERTA DÁVILA

Hoxe o Cuestionario Proust preséntanos a escritora que axudou a nacer a nosa actual lectura no club de 4º ESO.

Velaquí algunhas das claves coas que se autodefine Berta Dávila, autora d´O derradeiro libro de Emma Olsen.

CUESTIONARIO PROUST: MALORES VILLANUEVA

Hoxe o Cuestionario Proust vainos descubrir a personalidade máis íntima de Malores Villanueva, escritora e lectora de lingua galega na Universidade de Barcelona.

CUESTIONARIO PROUST: LEDICIA COSTAS

Hoxe o Cuestionario Proust interroga unha escritora ben coñecida para moitos membros do club de lectura: Ledicia Costas.

Velaquí o cuestionario que nos axuda a coñecela moito máis do que xa puidemos facelo no encontro que con ela mantivemos en Vigo, na Casa Galega da Cultura, o curso pasado.

CUESTIONARIO PROUST: MARTA DACOSTA

Un novo cuestionario resolto pola poeta Marta Dacosta. 

Nesta ocasión, acompañámolo dun poema seu para descubrírmola tamén como poeta:

A PRINCESA NA TORRE

I

Sempre hai unha princesa,
un dragón e unha torre,
e un cabaleiro que a vén rescatar.
Sempre
o conto é o mesmo.
Pero xamais nos explican a que tanta insistencia,
o nome do dragón, o lugar da torre.
Nunca nos descobren
que o cabaleiro non vén,
que non existe,
que só é unha mentira profiláctica
para que o dragón non nos devore
e a torre non se revele como o camiño do inferno.


II

A torre é o camiño do inferno,
sen guía,
sen man, nin cabaleiro que acompañe
á mediocre princesa
que arde nas lapas do dragón.
O lume é o destino,
a aniquilación e o silenzo da cinza,
meigas ou princesas,
o camiño é o mesmo.

CUESTIONARIO PROUST: MARÍA LÓPEZ SÁNDEZ

Retomamos o achegamento aos nosos autores e autoras contemporáneas da man do Cuestionario Proust que segue a ofrecer o blog do crítico Ramón Nicolás, o Caderno da crítica.

Nesta ocasión imos coñecer a narradora e ensaísta María López Sández.

CUESTIONARIO PROUST: ANTÓN RIVEIRO COELLO

O escritor Antón Riveiro Coello toma a palabra neste aditivo Cuestionario Proust. 

Que nos contará?

CUESTIONARIO PROUST: ANTONIO G. TEIJEIRO

Hoxe o Cuestionario Proust leva as súas preguntas ás respostas do escritor Antonio García Teijeiro, recoñecido escritor, nomeadamente poeta, que pensa a súa obra literaria para os nenos e as nenas.

CUESTIONARIO PROUST: Mª DO CARME KRUCKENBERG

A poeta diante do monólito da homenaxe "A Escritora na súa Terra" en Vigo

A poeta viguesa Mª do Carme Kruckenberg Sanjurjo ten acumulada unha experiencia literaria moi ampla desde o ano 1956 en que publicou o seu primeiro libro de poemas titulado Cantigas do vento.

Hoxe o Cuestionario Proust tráenola como protagonista para coñecérmola nas súas respostas en primeira persoa. 

Escoitémola tamén recitar os seus versos.

CUESTIONARIO PROUST: XABIER P. DOCAMPO

Quen non lembra a lectura d´O misterio das badaladas? ou de Cando petan na porta pola noite?

Quen puido esquecer a visita que nos fixo ao centro a finais do curso pasado, aló polo mes de maio, o escritor Xabier P. Docampo, autor da lectura O país adormentado?

Pois velaquí o Cuestionario Proust a nolo presentar dun xeito ben persoal.

CUESTIONARIO PROUST: AGUSTÍN FERNÁNDEZ PAZ

Xa temos descuberto a Agustín Fernández Paz a través de múltiples lecturas, así que andamos expectantes ante estoutra achega tan persoal que nos ofrece o Cuestionario Proust. 

Seguimos tomando referencias que nos axuden a resolver o noso propio cuestionario individual.

CUESTIONARIO PROUST: MARÍA PILAR GARCÍA NEGRO

Nesta ocasión, o Cuestionario Proust descubriranos o perfil máis humano dunha escritora centrada no xénero ensaístico.

A súa produción literaria confirma que, para alén da análise de tipo lingüístico, sociolingüístico e literario en xeral, nesta altura xa se ten convertido nunha das principais especialistas no estudo e investigación renovadora ao redor da figura e da obra de Rosalía de Castro.

Leamos xa as respostas da profesora da UDC María Pilar García Negro.

CUESTIONARIO PROUST: XAVIER ALCALÁ

Tócalle agora a quenda de respostas deste cuestionario que se vai facendo famoso entre nós a Xavier Alcalá, un dos narradores referenciais desde a década dos 70.

Aproveitemos a ocasión para descubrirmos como e por que comezou a escribir...

CUESTIONARIO PROUST: FINA CASALDERREY

Hoxe imos coñecer neste novo cuestionario o trasfondo máis humano dunha das escritoras máis representativas da literatura infantil e xuvenil, recoñecida en 1995 co Premio Nacional do Ministerio de Educación pola súa obra  O misterio dos fillos de lúa.

Como ben lembraredes, o pasado venres Fina Casalderrey lía no Teatro Principal de Pontevedra o seu discurso de entrada na Real Academia Galega. 

Con ela, a literatura infantil e xuvenil galega entra por primeira vez nesta institución. 

Con ela, agora son cinco as mulleres que fan parte do seu plenario.

Parabéns polo teu traballo, Fina!

CUESTIONARIO PROUST: BEGOÑA CAAMAÑO

Unha nova personalidade da escrita nos descobre este cuestionario que estamos a seguir. 

Nesta ocasión trátase da escritora Begoña Caamaño, unha das voces narrativas máis novidosas destes tempos máis recentes a partir de dous títulos referenciais e multirrecoñecidos: Morgana en Esmelle e Circe ou o pracer do azul.

CUESTIONARIO PROUST: VÍCTOR F. FREIXANES

Hoxe fomos contrastando na aula de 4º a dificultade que entraña un cuestionario tan aparentemente simple como este cando temos que definirnos. 

Mais imos continuar as pistas sobre quen é quen no marco literario galego contemporáneo.  

Velaquí unha nova entrega autobiográfica en palabras de Víctor F. Freixanes, escritor e director actual da Editorial Galaxia da que tanto habemos falar ao longo do segundo trimestre nas aulas de 4º.

CUESTIONARIO PROUST: DARÍO XOHAN CABANA

Un novo cuestionario Proust ofrécenos a bitácora Caderno da crítica para nos achegar ao escritor Darío Xohan Cabana.

Clicando no seu propio nome, poderemos descubrir na súa voz a resposta á pregunta: Por que empecei a escribir?

CUESTIONARIO PROUST ...

... para irmos descubrindo quen é quen dentro do panorama da escrita literaria actual.

Desde a recoñecida bitácora Caderno da crítica, dirixida polo crítico literario Ramón Nicolás, iranse ofrecendo as respostas persoais que escritores e escritoras galegas de hoxe van achegando. Imos seguila para achegarnos aos pensamentos e emocións máis íntimas que elas e eles recoñecen.

Mª Xosé Queizán

Velaquí xa a primeira entrega do Cuestionario Proust, inaugurada coa escritora Mª Xosé Queizán.