24 DE OUTUBRO. DÍA DA BIBLIOTECA

Por iniciativa da Asociación Española de Amigos del Libro Infantil y Juvenil, desde 1997, en colaboración co Ministerio de Educación, Cultura e Deporte, celébrase o Día da Biblioteca, co obxectivo de concienciar a sociedade da importancia da lectura e como homenaxe e recoñecemento ao labor dos/as bilbiotecarios/as.

Este ano, as autoras seleccionadas para a redacción do pregón e o deseño do cartel que se difunde foron as gañadoras do Premio Nacional 2015, a galega Ledicia Costas e a éuscara Elena Odriozola.

Celebraremos este día inaugurando a semana de lecturas de medo compartidas nos primeiros recreos de cada xornada, coincidindo co plan de actividades coordinado desde o ENDL e apoiado polos clubs de lectura do centro.

UNHA NOVA CASA DOS LIBROS PARA COMPARTIR

 #aBiblioPrestame

O outono estréase no concello veciño de Carballo coa inauguración da Biblioteca Rego da Balsa, un punto de encontro cos libros, a música e o cine. 

E ningunha outra data mellor nin máis acaída que o 24 de outubro,Día Internacional das Bibliotecas.

Imos irlle dando unha ollada, mais haberá que ir visitala, non si? 

E seguila sempre desde @bibliocarballo   

ACHEGÁNDONOS AO DÍA DA BIBLIOTECA

O vindeiro 24 de outubro celébrase o Día da Biblioteca. Nestes días previos, podemos irlle botando un ollo a este manifesto que Agustín Fernández Paz redactou para ese día en 2008. 

Que vos parece? 

Que vos suxire a imaxe creada polo ilustrador Xosé Cobas?

Feliz lectura!

24 DE OUTUBRO: DÍA DA BIBLIOTECA

Terá razón a nosa queridísima Mafalda? Que pensades?