VIDEOBOOK

Xa se coñece a proposta videoliteraria gañadora do concurso RETO LECTOR! que a Editorial Galaxia puxo en marcha hai uns meses.

Mirade que fermosura de convite lector para esta obra que moito nos sorprendeu entre as nosas lecturas este curso: O neno inverno, de María Canosa, autora coa que tivemos a fortuna de conversar na nosa biblioteca.

E sempre que hai gañadora, tamén hai finalistas, así que ollade por aquí estoutras propostas que nos poden dar pistas para as lecturas deste verán.

LECTURAS DE SAMAÍN (III)

E agora é a quenda de Julián, compañeiro lector de 3º ESO, quen comparte connosco a lectura da súa escrita persoal representada neste relato gañador da pasada convocatoria de Samaín.

LECTURAS DE SAMAÍN (II)

Agora toma a palabra María, compañeira de lecturas do grupo de 3º ESO, que nos le o seu relato de medo gañador na edición do concurso convocado na última edición.

ANO NOVO... ACTIVIDADE NOVA!

A mellor maneira de inaugurar tempo novo é remudando hábitos e abríndose a novas experiencias, non si?

E canto antes... mellor!!!

Calquera lugar é bo para ler, calquera postura tamén, incluso hai quen as ten favoritas. Ímolo descubrir! 

Velaquí a convocatoria do primeiro concurso deste 2015 organizado polo Planeta Coristranca.

Será un concurso fotográfico que ilustre esa imaxe auténtica, fresca, novidosa, orixinal ou sorprendente ao redor dos libros e da lectura que sabemos que gardades convosco e quixeramos compartir.

O envío das vosas imaxes comeza xa e o prazo límite será o 2 de febreiro para celebrar o Día da Candeloria, o día da festa do amor en que casan os paxariños e mais porque, como di o refrán...

“Cando a Candeloria chora, medio inverno vai fóra; que chore, que deixe de chorar, a metade do inverno está por pasar”.

CONCURSO LITERARIO

Como pola Galaxia Coristranca hai, ademais de moi bos lectores e lectoras, magníficas escritoras e escritores, dade un paseo por estas bases do XXI Certame Literario Cambre 2014 de Poesía e Narración Breve que organizan os dous insitutos de Cambre coa colaboración do seu concello.

Con certeza, esta vindeira semaniña de descanso escolar e mais o merecido bolo da Pascua han dar bos froitos literarios.

Quen se está animando xa?

CONCURSO LECTOFOTOGRÁFICO

O Club de Lectura Coristranca abre o I CONCURSO LECTOFOTOGRÁFICO.

O obxectivo é descubrir a mellor postura no mellor lugar posíbel para ler. Non se require moita habilidade fotográfica, mais si capacidade de creación e invención orixinal.

Enviade as vosas fotos ao correo coristranca@gmail.com antes do 10 de xuño.

Para ir entrando en calor, imos deixarvos por aquí algunhas ideas que non vale copiar...

QUEN SE ATREVE?

Reparade neste lemas tan orixinais que son un auténtico e suxestivo convite á lectura.

O alumnado do club de lectura do centro atreveríase a ofrecernos os seus lemas para provocar e convencer a quen aínda non se decatou de cantas vidas, alén da nosa propia, vivimos con cada libro?

 

E TI COMO O VES?

Imos reparar nesta imaxe atentamente...

... e agora imos completar a primeira oración segundo o noso parecer persoal do seguinte xeito:

Ler é como...

Quen se anima a entrar nesta brincadeira creativa?

POSTURAS E LUGARES FAVORITOS PARA LER

Xa sabemos que cadaquén ten a súa postura favorita para os tempos de lectura e mesmo o seu lugar preferido. 

Desde o mundo curioso de Coristranca preguntámonos: cal é o teu?

Convidámosvos a ir achegando as vosas respostas. Seguro que levamos sorpresas inesperadas!!!

Para ir dando pistas, velaí vos deixamos algunhas ideas... coincidentes coa vosas experiencia lectora ou non?