PARABÉNS AO POETA MANUEL ÁLVAREZ TORNEIRO

O poeta Manuel Álvarez Torneiro acaba de ser recoñecido co Premio Nacional de Poesía que concede o Ministerio de Educación, Cultura e Deporte á mellor obra poética do Estado español, polo seu poemario Os ángulos da brasa.

Queredes saber como se sentía pouco despois de coñecer este importantísimo recoñecemento para el que tamén facemos noso todos os galegos e galegas? 

Pois mergulládevos nesta entrevista e descubrirédelo!!!!

NOVO RECOÑECEMENTO PARA AGUSTÍN!

 Este sábado, 17 de novembro, Agustín Fernández Paz recibiu un novo premio polo seu recente libro Fantasmas de luz.

Queredes saber que foi o que valorou o xurado nesta súa última creación narrativa?  

As razóns para lle conceder o premio foron estas:

 “a súa capacidade de enfiar cine e literatura na arquitectura da novela, unha das marcas poéticas do autor; o tratar problemas da sociedade de hoxe que levan á invisibilidade dos excluídos, aínda que a historia se sitúe nunha etapa anterior á crise; o facelo con humor, fina ironía e unha ollada atenta aos problemas profundos da nosa sociedade; e, por último, pola súa mensaxe final que, malia as denuncias, está cargada de optimismo e esperanza nun futuro mellor".

http://praza.com/cultura/2732/agustin-fernandez-paz-carmen-nogueira-ou-xose-manuel-olveira-lpicor-premios-da-critica/

A LITERATURA GALEGA DÁ QUE FALAR POLO MUNDO

Boas novas para a literatura infantil e xuvenil escrita en galego!

A Biblioteca Internacional da Mocidade de Munic vén de incluír na súa selección de libros The White Raven tres títulos escritos orixinalmente en galego: 

• A princesa do Courel, de Patacrúa, na editorial OQO.
• A sombra descalza, de An Alfaya, en edicións Xerais.
• Smara, de Paula Carballeira, na editorial Kalandraka.