E POR PETICIÓN DO CLUB DE LECTURA

CONTINUAMOS A LER A OBRA DE FRANCISCO CASTRO!

Moito nos prestou o seu Chamádeme Simbad! Sóubonos a pouco, así que a proposta maioritarísima dos membros do club de 1º e 2º imos continuar a descubrir os mundos literarios que Francisco Castro pensa e escribe para nós, os seus lectores e lectoras.

Tócalle o turno agora á novela de amor O segredo de Marco Polo, que nos fará viaxar deica a Venecia do século XIII.

Xa vos contaremos, non perdades atención! Mais, polo de agora, confirmamos que Francisco Castro estará connosco no centro o vindeiro MARTES, 10 DE ABRIL! Xa nos tarda!

A LITERATURA GALEGA DÁ QUE FALAR POLO MUNDO

Boas novas para a literatura infantil e xuvenil escrita en galego!

A Biblioteca Internacional da Mocidade de Munic vén de incluír na súa selección de libros The White Raven tres títulos escritos orixinalmente en galego: 

• A princesa do Courel, de Patacrúa, na editorial OQO.
• A sombra descalza, de An Alfaya, en edicións Xerais.
• Smara, de Paula Carballeira, na editorial Kalandraka.

AI, SE EU TE LEO!

NOVA TERTULIA LITERARIA

Este club non para! Xa temos nova lectura devorada e o próximo mércores 29 de febreiro, para despedir este mes que converte o 2012 nun ano bisesto, reunirémonos nunha nova tertulia literaria.

Seguro que este Chamádeme Simbad acordou moitos pensamentos e sensacións!

Déixovos aquí o un vídeo que nos achega a Francisco Castro, o escritor que está detrás desta fermosa historia de amor familiar.

LITERATURA E CINE DE GOYA CON ARRECENDO GALEGO

Seguro que xa vistes a gala de entrega dos Premios Goya do cine español. E seguro que xa sabedes que o filme de firma galega -coruñesa, concretamente!- Arrugas, conseguiu dous importantes premios. 

E sabedes que antes de chegar esta historia sbre o alzeimer ao cine xa nacera en formato libro? Asegúrovos qe é unha obra  ben fermosa, moi relacionada co noso Chamádeme Simbad que andamos a ler nestes días...

Polo de agora, déixovos a capa de presentación. En breve, traerémolo para que nos acompañe no club de lectura e na biblioteca.

CAL É A TÚA POSTURA FAVORITA?

Lemos... e moito! Mais, como lemos? Cal é o mellor recuncho para ler? E a mellor postura?

Contade, contade...

Quen es ti?