SABENDO ALGO MÁIS SOBRE A NOSA NOVA LECTURA

Xa estamos a ler un libro que, sen dúbida, é diferente aos anteriores: O neno can, escrito a catro mans por Francisco Castro e Fina Casalderrey.

Portada d´O neno can

Desde a páxina web de Francisco Castro podemos achegarnos a este proceso de escrita tan orixinal e saber máis das pretensións dos autores ao escribiren xuntos estes contos de denuncia do incumprimento dos dereitos dos nenos e das nenas.

NOVA TERTULIA LITERARIA

A sección de 2º ESO do noso club de lectura volveu reunirse o pasado xoves 18 de abril para intercambiar opinións e sensacións provocadas pola lectura da novela O corazón de Xúpiter de Ledicia Costas, unha autora que máis unha vez nos abraiou coa súa narrativa atrapadora e cos seus finais dramáticos.

Tamén houbo tempo para reflexionarmos, a partir desta lectura, sobre os inconvenientes das redes sociais se non sabemos manexalas con responsabilidade e un pouquiño de desconfianza protectora.

E o mellor de todo: o ambiente comunicativo co que a literatura e os libros nos agasallan sempre. Que ben o pasamos!!!

FELIZ DÍA DO LIBRO 2013